"Avtovağzal" stansiyasının açılış vaxtı bəlli oldu - SON XƏBƏR
29.05.2020 10:40
"Avtovağzal” metrostansiyasının açılışı 2016-cı ilin ikinci yarısında baş tutacaq. Bu barədə Movqe.az-a "Bakı Metropoliteni” QSC-nin mətbuat xidmətinin rəhbəri Nəsimi Paşayev bildirib. N. Paşayevin sözlərinə görə, eyni zamanda "Memar əcəmi-2” stansiyası da fəaliyyətə başlayacaq: " 2016-cı ilin ikinci yarısında bənövşəyi xətt üzrə ilk iki stansiya istifadəyə veriləcək" .
Metropoliten səlahiyyətlisi iri layihələrdə gecikmələrin olmasının normal qarşılandığını da söyləyib. Məlumat üçün qeyd edək ki, 7 giriş və çıxışdan ibarət "Avtovağzal" stansiyası ən böyük stansiya olacaq.
N.Paşayev ilin sonuna kimi "Elmlər Akademiyası” metrostansiyasının ikinci çıxışının istifadəyə hazır olacağını qeyd edib.
Xatırladaq ki, Azərbaycan Respublikası Prezidenti İlham Əliyevin 2011-ci il 18 mart sərəncamı ilə təsdiq edilmiş perspektiv inkişaf sxemi və 2011-15-ci illərin Dövlət Proqramına uyğun olaraq, Bakı Metropoliteni 2030-cu ildə 5 xətt üzrə 76 stansiya və 5 elektrik deposundan ibarət olacaq. Dövlət Proqramı əsasında, hazırda 23 stansiyası və 1 elektrik deposu olan Bakı Metropoliteninin Bənövşəyi xəttinin inşası davam etdirilir. Tikintinin birinci beşillik planına görə, bu xəttin 5 stansiyası inşa olunacaq. 12 stansiyadan ibarət olacaq bu xətt Beynəlxalq Avtovağzal Kompleksindən başlamaqla Qaraçuxur qəsəbəsinə qədər uzanacaq.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 12:32
Bundan sonra onu yuxularımda gözləyəcəm... - Qətlə yetirilmiş Rasim Əliyevin sevgilisi
Foto
Video
