Dolları nə zaman almaq lazımdır? - Ekspert

İqtisadi və Sosial İnkişaf Mərkəzi (İSİM) bu ilin avqust ayında Bakıda və Azərbaycanın 5 bölgəsində fəaliyyət göstərən valyutadəyişmə məntəqələri arasında sorğu keçirib.

ANN.Az xəbər verir ki, sorğu nəticəsini iqtisadçı ekspert Vüqar Bayramov öz facebook səhifəsində paylaşıb. Sorğu nəticəsində yalnız xarici valyutalara tələbin empirik dəyişməsi deyil, eyni zamanda vətəndaşlarımız üçün faydalı olacaq sonluqlar əldə edilib. Xarici valyuta alıb-satmaq istəyənlər üçün dolları nə zaman almalı sualına da cavab tapılıb:

İqtisadçı Vüqar Bayramov xarici valyuta almaq istəyənlər bunu həftənin iş günlərini məsələhət görüb: "Belə ki, avro dollar kursununun fiks olması halında həftə içi manatın dollara məzənnəsi daha əlverişli olur. Həftəsonları xarici valyutaların, xüsusən də dolların manata məzənnəsi iş günlərinə nisbətən daha yüksək olar. Dollar və ya avro alacaqsınızsa bunu həftəsonuna saxlamayın. Mərkəzi Bankın hər həftənin sonuncu məzənnəsini cümə günü müəyyənləşdirdiyini nəzərə alaraq aparılan sorğu göstərir ki, rəsmi kursu eyni olmasna rəğmən əksər hallarda bazar günləri dollar cümə gününə nisbətən daha baha satılıb."

Ekspert daha sonra qeyd edib ki, dollarını dəyişmək istəyənlər isə onu həftəsonu etsələr daha məqsədəuyğun olar: "Həftəsonları dollara müqayisəli olaraq daha çox manat ödənilir"

Ekspert hesab edir ki, qarşıdan bayram günləri gəlirsə və siz xarici valyuta almağı planlaşdırırsınızsa bunu bayramadək edin, əks halda daha yüksək kursla dollar almalı olacaqsınız. Dollara satırsınızsa bunu bayramın sonuncu günü etmək məqsədəuyğundur. Avro-dollar məzənnəsinin fiks qəbul ediləcəyi halda dollar almaq üçün ən məqbul iş həftəsinin ortasıdır. Mərkəzi Bankın intervesiyası nəticəsində həmin günlər dolların manata məzənnəsi daha əlverişli olur. Beləliklə, sorğu nəticəsində əldə olunan sözügedən emipirik nəticələrdən faydalanmaqla dollar alıb-satmaq istəyənlər daha çox pul qazana bilərlər.
www.ann.az