Fransız səfir cəbhədəki vəziyyətdən narahatdır

Şarpantye çağırışla çıxış edib.

ATƏT-in Minsk qrupu heç zaman olmadığı kimi Qarabağ münaqişəsinin sülh yolu ilə həll olunmasına cəlb edilib.

Oxu.Az news.am-a istinadən xəbər verir ki, bu barədə Fransanın Ermənistandakı fövqəladə və səlahiyyətli səfiri Jan-Fransua Şarpantye bəyan edib.

Səfir əlavə edib ki, ATƏT-in Minsk qrupu Azərbaycan və Ermənistan arasında yüksək səviyyədə dialoqun bərpa edilməsi istiqamətində işləyir.

"Erməni-Azərbaycan sərhəddində və Dağlıq Qarabağda təmas xəttində atəşkəs rejiminin pozulması hallarını narahatlıqla izləyirəm. Atəşkəsin pozulması yeni qurbanlar deməkdir, burada yerli dinc əhalinin həyatı təhlükə altına qoyularaq irikalibrli silahdan istifadə edilir”, - Jan-Fransua Şrpantye qeyd edib.

Səfirin sözlərinə görə, ATƏT-in Minsk qrupunun həmsədr ölkəsi kimi Fransanı münaqişə tərəflərini hərbi gərginliyin kəskinləşməsindən yan keçməyə, atəşkəs rejiminə riayət etmək üçün bütün lazım olan tədbirləri həyata keçirməyə çağırıb.