Deputat: "Ermənilərin burada qəbul edilməsinin tərəfdarı deyiləm"

Onun sözlərinə görə, düşmən ölkədən Azərbaycana gələrək sığınacaq istəyən ermənilərin sayının artması Ermənistan hakimiyyətinin legitimliyini itirdiyini və hazırkı iqtidarla xalq arasında heç bir əlaqə qalmamasını göstərir: "Ermənistan özünü beynəlxalq aləmdə yaxşı göstərməyə çalışsa da, bu faktlar onların necə dövlət olduğunu bir daha ortaya qoyur. Onlar özləri də çox yaxşı bilirlər ki, Rusiyadan asılıdırlar. Buna görə də heç vaxt istəmirlər ki, Rusiya dövləti zəifləsin və ya hər hansı təhlükə ilə üz-üzə gəlsin. Çünki Rusiyada hər hansı zəiflik, Ermənistanın məhv olmasının əsas səbəblərindən biri ola bilər”.   

Fərəc Quliyev belə halların ilk dəfə baş vermədiyini xatırladıb: "Vaxtaşırı Ermənistandan Azərbaycana gələnlər olur.  Bunun əsas səbəbi odur ki, onlar özləri də bilirlər ki, yaşadıqları məkan onların doğma yurdları, vətənləri deyil. Onlar vətəni, milləti məlum olmayan insanlardır. Bu səbəbdən də onlar Ermənistanı tərk edirlər”. 

Millət vəkili hesab edir ki, erməniləri burada qarşılamağa belə lüzum yoxdur: "Nəinki, sığınacaq vermək və ya üçüncü bir ölkəyə təhvil verilməsinə. Çünki artıq bu sübut olundu ki, onlar Ermənistana qaytdıqdan sonra ağzına gələnləri danışırlar. Bütün bunları nəzərə alıb, deyə bilərəm ki, Ermənistanda Azərbaycana sığınacaq üçün üz tutmuş, burada yaşamaq üçün gələnləri burada qarşılamağa hətda ehtiyac yoxdur.” 

"Sizcə,Azərbaycan tərəfi erməni müxalifətçiyə sığınacaq verəcək, yoxsa onu üçüncü bir ölkəyə təhvil verəcək" -sualını cavablandıran deputat qeyd edib ki, bunu daha çox hakimiyyət və ölkə rəhbərliyi müəyyənləşdirəcək: "Amma bir vətəndaş olaraq deyə bilərəm ki, ermənilərin Azərbaycanda qəbul olunmasının tərəfdarı deyiləm. Hətta qəbul edib, üçüncü ölkəyə verməklə bağlı olsa belə. Hər halda qərarı hakimiyyət orqanı verəcək”.

Xatırladaq ki, ötən gün Ermənistan "Milli Azadlıq Hərəkatı” təşkilatının rəhbəri Vaan Emilyeviç Martirosyan Azərbaycandan siyasi sığınacaq istəyib. V. Martirosyan rəhbərlik etdiyi müxalif yönümlü "Milli Azadlıq Hərəkatı” təşkilatının fəaliyyətinə görə Ermənistan Respublikasının dövlət orqanlarının və ayrı-ayrı səlahiyyətli şəxslərinin təzyiqlərinə məruz qalıb. O, özünün və ailəsinin şəxsi təhlükəsizliyi ilə əlaqədar Ermənistandan qaçaraq Azərbaycana gəlib.