"Barselona"ya rekord təklif - 320 milyon

ANS PRESS-in məlumatına görə, Kataloniya klubunun forma sponsoru olan "Qatar Airways" başa çatmaq üzrə olan müqaviləni yeniləmək üçün yeni təkliflə çıхış etməyə hazırlaşır.

Tərəflər arasındakı mövcud müqavilə 2016-cı ildə başa çatacaq. 2010-cu ildək formasına reklam götürməyən və yalnız dəstək məqsədi ilə UNICEF-in loqosunu yerləşdirən "Barselona" "Qatar Airways"la illik 3,5 milyon avroluq müqavilə imzalamışdı. Yayılan məlumatlara görə, kataloniyalılar gələn başa çatacaq anlaşmanın müddətini artırmayacaq. 

Bu iddialar Qətər şirkətini hərəkətə keçirib. Məlumata görə, "Barselona" ilə danışıqlar masasına əyləşən "Qatar Airways"ın CEO-su Akbal Al Baker və digər rəsmilər ilkin olaraq 60 milyon avro təklif ediblər. Bu təklif "Barselona"nı razı salıb, amma "Mançester Yunayted"in "Chevrolet"lə 71 milyon avroluq müqaviləsi tərəflərin anlaşmasına mane olub. Bu səbəbdən Qətər tərəfi yenidən təklif irəli sürməyə hazırlaşır. İddialara görə, şirkətin "Barselona"ya növbəti təklifinin dəyəri 80 milyon avro olacaq. 4 il üçün nəzərdə tutulacaq yeni müqaviləyə əsasən klub 320 milyon avro qazanacaq.

Forma sponsorluğundan ən çoх qazananlar

1. Mançester Yunayted (İngiltərə) - 71 milyon avro (Chevrolet)

2. Çelsi (İngiltərə) - 55 milyon avro (Yokohama)

3. Arsenal (İngiltərə) - 40 milyon avro (Fly Emirates)

4. Barselona (İspaniya) - 35 milyon avro (Qatar Airways)

5. Bavariya (Almaniya) - 33 milyon avro (Deutsche Telekom) 

6. Real (İspaniya) - 32 milyon avro (Fly Emirates)

7. PSJ (Fransa) - 28 milyon avro (Fly Emirates)

8. Mançester Siti (İngiltərə) - 27 milyon avro (Etihad Airways)

9. Liverpul (İngiltərə) - 27 milyon avro (Standard Chartered)

10. Tottenhem (İngiltərə) - 21 milyon avro (AIA)

11. Milan (İtaliya) - 20 milyon avro (Fly Emirates)