FHN-dən avtovağzal yolundakı sürüşmə ilə bağlı yeni AÇIQLAMA

Fövqaladə Hallar Nazirliyinin (FHN) mətbuat xidmətinin rəhbəri Oqtay Bayramov Modern.az saytına deyib ki, hazırda ərazidə hər hansı təhlükə yoxdur:

"Gələcəkdə güclü yağış sularının yarada biləcəyi təhlükədən qorunmaq üçün qabaqlayıcı tədbirlər həyata keçirilir”. FHN rəsmisi qeyd edib ki, yoldakı çatların genişlənməməsi üçün nazirlik tərəfindən tədbirlər davam etdirilir:

"Nazirlər Kabinetinin göstərişi əsasında avtovağzal yolunun çatlayan hissəsində dayaq-bərkitmə işləri həyata keçirilir. Bu, həmin yolda çatların genişlənməsinin qarşısını almaq üçündür.

İşlər başa çatandan sonra layihə-smeta sənədləri hazırlanaraq Nazirlər Kabinetinə təqdim olunacaq. Sənəd təsdiq olunduqdan sonra yolda gücləndirmə işləri həyata keçiriləcək. Bu prosesdən sonra yol daha da etibarlı olacaq”.  

www.ann.az