AŞPA: Parlament seçkiləri beynəlxalq standartlara uyğun keçirildi

"Heç bir təzyiq qeydə alınmayıb”.

Azərbaycandakı parlament seçkiləri Seçki Məcəlləsinin tələblərinə uyğun keçirilib.

Oxu.Az-ın verdiyi xəbərə görə, bu sözləri Avropa Şurasının Parlament Assambleyasının müşahidə missiyasının rəhbəri Jordi Cukla noyabrın 2-də Bakıda keçirilmiş mətbuat konfransında deyib.

Onun sözlərin görə, parlament seçkiləri beynəlxalq standartlara uyğun keçirilib.

Missiya rəhbəri həmçinin qeyd edib ki, müşahidəçilər heç bir qanun pozuntusu ilə qarşılaşmayıblar. 

"Seçkilər sakit şəraitdə keçib. Səsvermə prosesi peşəkarcasına və texniki cəhətdən yaxşı təşkil olunmuşdu. Heç bir təzyiq qeydə alınmayıb”.