Bəzi qurum rəhbərləri mətbuat katibini öz şəxsi maraqları üçün istifadə edir - MÜSAHİBƏ

- İctimaiyyətlə əlaqələr, yəni Public Relations (PR) termin olaraq hələ ilk dəfə 19-cu əsrin əvvəllərində ABŞ-da işlədilib. Azərbaycana isə bu terminin müstəqillik əldə edildikdən sonra işlədilməsinə başlanılıb. Qurumun ictimaiyyətlə əlaqələr şöbəsi qurumun fəaliyyətini cəmiyyətə doğru təqdim etməli, qurumla cəmiyyət arasında körpü rolu oynamalıdır. Həmin qurumun müsbət imicinin yaradılması istiqamətində qarşılıqlı ahəngdar əlaqələri formalaşdırmalıdır. Ən əsası bu proses birtərəfli olmamalıdır. Mütləq şəkildə qarşı tərəfin maraqları, istəkləri və fikirləri nəzərə alınmalıdır. Auditoriya düzgün seçilməli və təbliğat birtərəfli olmamalıdır. Bir sözlə qurumun ictimaiyyətlə əlaqələr şöbəsi cəmiyyəti təmsil etdiyi təşkilatın fəaliyyəti ilə bağlı məlumatlandırmalı, maarifləndirməli və düzgün hesababtlılığını təmin etməlidir. 

- Mənim fəaliyyətim dövründə nazirliyin işinə qərəzli yanaşan mətbu orqanları olub. Bu cür halların qarşısını almaq üçün biz qarşı tərəfə mövqeyimizin yazılmasını tələb etmişik. Yazılmadığı halda Mətbuat Şurasına müraciət etmişik. Ən son halda isə bu cür hallar hüquq müstəvisi üzərində həll olunub.

 

- Bəzi mətbuat katiblərinin özlərinin bu vəzifəyə jurnalistikadan gəlməklərinə baxmayaraq qarşı tərəfə lazimi diqqəti göstərmirlər, media ilə əlaqələrini düzgün qurmurlar, olduqca qeyri-peşəkar və soyuq yanaşma sərgiləyirlər. Şəxsi münasibətlərə görə jurnalisti iqnor etmək, suallara cavab verməmək, bəzi hallarda təqhirə keçmək olmaz. Bu yolverilməzdir. Bu cür hallar baş verərsə, "KİV haqqında qanuna" uyğun olaraq hərəkət etmək lazımdır. Əlavə olaraq bu kimi problemlərin müzakirəsi üçün Mətbuat Şurası var. Yox, əgər qarşılıqlı anlaşılma yoxdursa son olaraq problemi hüquqi müstəvi üzərində həll etmək olar. Mətbuat katibi bilməlidir ki, şəxsi münasibətinə görə, təmsil etdiyi qurumun nüfuzuna xələl gətirə bilməz. 

- DİN, Baş Prokrorluq, Qaçqınların və Məcburi Köçkünlərin işləri üzrə dövlət komitəsi, BNA, Miqrasiya xidmətinin mətbuat katibləri təmsil etdiyi qurumları çox gözəl təmsil edirlər. Amma Səhiyyə Nazirliyi, Gənclər və İdman nazirliyi və Mədəniyyət nazirliyinin mətbuat xidmətləri öz qurumlarını deməzdim ki, layiqincə təmsil edirlər. Burada önəmli məsələlərdən biri də qurumun rəhbərinin icitimaiyyətə açıq, necə deyərlər public olması vacib şərtdir. Məsələn, zamanında jurnalistlərin bir çoxunun konfilikt yaşadığı mətbuat katibi Nəqliyyat nazirliyinin mətbuat xidmətinin rəhbəri Namiq Həsənov idi. Səbəb də o idi ki, Ziya Məmmədov jurnalistlərə açıq adam deyildi və nəticədə mətbuat katibi ilə belə problemlər yaranırdı. Qurumun rəhbəri mətbuata nə qədər açıq olarsa mətbuat katibinin də işi bir o qədər asan olacaq. Ölkədə fəaliyyətləri qənaətbəxş hesab olunmayan qurumların mətbuat katiblərinin siyahısına isə əlavə olaraq bir çox yerli icra hakimiyyətlərinin mətbuat katiblərinin adını daxil edərdim. Yerli icra hakimiyyətlərinin mətbuat katibləri birbaşa özlərinin təbliğatı ilə məşğuldular. Bu isə səhv yanaşmadır. 

- Biz hər şeyi olduğu kimi yazırıq. Amma buna bəzi qurumlar tənqidi yanaşırsa bu onlara aid olan məsələdir. Yəni bu onların problemidir. Azərbaycanda bəzi qurumların mətbuat katiblərinin bir problemi var ki, rəhbər şəxs mətbuat xidmətinin rəhbərini şəxsən özünə informasiya ötürmək, medianın idarə olunması üçün şəxsi əlaqələrindən, fəaliyyətindən istifadə edir. Lakin, unutmaq olmaz ki, ictimaiyyətə birtərəfli məlumat ötürmək olmaz. Mətbuat katibinin həmin qurumun rəhbər şəxsinə birbaşa çıxışı olmalıdır. Bundan əlavə mətbuat katibi məlumatlı və söz sahibinə malik olmalıdır.

 

 

- Düşünürəm ki, Azərbaycanda mütləq şəkildə ictimaiyyətlə əlaqələr institutu yaradılmalıdır və bu sahə inkişaf etdirilməlidir. Mətbuat xidməti ictimaiyyətlə əlaqələr şöbəsinin bir bir fəaliyyət sahəsi, bir qoludur. Amma bizim dövlət qurumları daha çox mətbuat xidmətinə üstünlük verirlər. Bu isə bəzən qurumun peşəkar ictimaiyyətlə əlaqələr işinin qurulmasında uğursuz olur. 

- Qurumun mətbuat xidməti rəhbərinin seçilməsi o qurumun ən birinci şəxsi, onun proseslərə baxışı ilə bağlıdır. Bəzən qurum tanınmış şəxsi mətbuat katibi gətirir. Bu zaman tanınmış sima qurumun ilkin olaraq tanınmasında dəstək ola bilər, ilkin imicinə təsir edə bilər. Amma sonrakı qiyməti qurumun fəaliyyətinə uyğun olaraq xalq verir. Məsələn Səhiyyə Nazirliyinin mətbuat katibi Pərviz Əbubəkir ölkənin aparıcı TV kanalında, aparıcı kriminal xəbərlərində yetərincə tanınan sima idi. Amma Səhiyyə Nazirliyinə mətbuat katibi gələndən hansı addımlar atıldı? Heç bir yenilik baş vermədi. Deməli tanınmış sima önəmli rol oynamır. Mətbuat katibi tanıyıram ki, sadə Press Reliz yaza bilmir. 

- Çox azdır. Ümid edirəm ki, dövlət bu sahəyə diqqətini artıracaq. Bu böyük və olduqca vacib prosesdir. Vüqar Səfərli və onun havadarları kimi şəxslər mətbuatı alətə çevirmişdi. Hazırda da media sahəsində ciddi bir dəyişiklik yoxdur. Azərbaycanda kifayət qədər müstəqil media olmalıdır. Dövlətin maraqlarını müdafiə edən və eyni zamanda müstəqil olan platformalara ehtiyac var.