Hava pisləşir: qar yağacaq

Dekabrın 14-dən Azərbaycanda hava şəraitinin dəyişəcəyi, qeyri-sabit keçəcəyi gözlənilir.

Dekabrın 13-də Bakı və Abşeron yarımadasında hava şəraitinin gecə və səhər bəzi yerlərdə zəif duman, çiskin olacağı, gün ərzində dəyişkən buludlu olacağı, əsasən yağmursuz keçəcəyi gözlənilir.

ANN.Az AzVision.az-a istinadən xəbər verir ki,  Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, cənub küləyi axşam arabir güclənən şimal küləyi ilə əvəz olunacaq. Havanın temperaturu gecə 5-7, gündüz 9-14 dərəcə isti olacaq.

Azərbaycanın rayonlarında dekabrın 13-də əsasən yağmursuz hava şəraiti gözlənilir. Gecə və səhər bəzi yerlərdə duman, çiskin olacaq. Dekabrın 13-dən 14-nə keçən gecə qərb rayonlarından başlayaraq yağıntılı olacağı, dağlıq ərazilərdə sulu qar, qar yağacağı ehtimalı var. Şimal-şərq küləyi əsəcək. Havanın temperaturunun gecə 1-6, gündüz 9-14 dərəcə isti olacağı gözlənilir.

ANN.Az