Bakı Yeni İli belə qarşılayacaq - Video

Bakıda, xüsusislə bulvar ərazisində yeni ilə hazırlıq işləri sürətlənib.

ANN.Az ANS TV-yə istinadən xəbər verir ki, artıq Kukla Teatrının arxasındakı yolkanın konstruksiyası quraşdırılıb və ağaca yaşıl donu geyindirilib. Hazırda isə üzərində bəzək işləri aparılır. Burda quraşdırılan yolkanın hündürlüyü 21 metrdir və bulvarın ən böyük yolkası hesab olunur. Ən böyük yolkadan əlavə dekabrın 31-ə kimi bulvar ərazisində daha 10 yolka quraşdırılacaq və hər yolkanın ətafında bir şaxtababa və qarqız olacaq.

Bayram ərəfəsində Dənizkənarı Milli Parka gələnlər bulvarın yeni hissəsində də yolka görə biləcəklər. Buradakı yolkanın hündürlyü isə 19 metrdir. Yolka buta elementləri ilə zəngindir. Məhz burda quraşdırlmasında məqsəd istirahət üçün hər cür şəraitlə təchiz olunan yeni hissəyə şəhər sakinlərini cəlb etməkdir.

Bulvar İdarəsinin rəis müavini Nazim Məcidov yeni ildə baş tutacaq yeniliklərdən də söz açıb. Onun sözlərinə görə, bu il bayram ölkəmizdə bir başqa cür keçiriləcək. O müxtəlif fiqurlardan ibarət işıqların olacağını və bu işıqların sanki hərəkət edirmiş kimi canlı bir obraz yaradacağını deyib.

Bayram ərəfəsində bulvara yeni atraksionlar da gətiriləcək. İtaliyadan gətirilən attraksionun hissələri artıq paytaxta çatmaqdadır.