Ermənilərdən acı etiraf

Düşmən tərəf əsir götürülən kəşfiyyatçı haqda xəbər yayıb

Ermənistan tərəfi cəbhədə diversiya törətməsi ilə bağlı xəbər yayıb.

ANS PRESS-in Ermənistan mətbuatına istinadən verdiyi məlumata görə, Dağlıq Qarabağın separçı rejimi Arsen Eduardoviç Baqdasaryan adlı hərbçinin həqiqətən də müqavilə əsasında hərbi hissələrdən birində xidmət etdiyini təsdiqləyiblər. Ancaq qarşı tərəf guya muzdlunun nizam-intizam qaydalarını pozduğu üçün vəzifəsindən müvəqqəti azad edildiyini bildirib.

Qeyd edək ki, Azərbaycan Müdafiə Nazirliyi bu gün yaydığı məlumatda düşmənin kəşfiyyat-təxribat qrupunun üzvünün ələ keçirildiyini bildirib. Müdafiə Nazirliyinin mətbuat xidmətindən ANS PRESS-ə verilən məlumata görə, 26 dekabr axşam saatlarında cəbhənin Ağdam rayonu istiqamətində ermənilərin kəşfiyyat-təxribat qrupu qoşunların təmas xəttini keçməyə cəhd göstərib.

Müdafiənin ön xəttində yerləşən bölmələrimizin sayıqlığı nəticəsində düşmənin bu cəhdinin qarşısı əvvəlcədən aşkar edilərək alınıb.

Qısa atışmadan sonra xeyli sayda itki verərək geri çəkilən düşmənin kəşfiyyat-təxribat qrupunun üzvü peşəkar hərbi qulluqçu, ilkin məlumata görə Baqdasaryan Arsen Eduardoviç əsir olaraq ələ keçirilib.