Çingiz Abdullayev İŞİD-dən kitab yazır

"Dünyadakı terror hadisələri, İŞİD, "əl-Qaidə" kimi təşkilatlar haqqında roman yazıram”.

Bunu kulis.az-a açıqlamasında xalq yazıçısı Çingiz Abdullayev bildirib.

Romanının adını hələ müəyyənləşdirməyən yazıçı əsərin ideyasının Parisdəki terror hadisəsindən əvvəl yarandığını deyib. Kitab yaxın üç ay müddətində hazır olacaq.

Çingiz Abdullayev bu dəfə bir yeniliyə də imza atıb: "Əsərlərim həmişə əvvəlcə Rusiyada, daha sonra başqa ölkələrdə çap olunurdu. Bu dəfə qərara almışıq ki, romanı iki dildə nəşr edək. Yeni kitabım Rusiyada və Azərbaycanda eyni vaxtda çapdan çıxacaq”.