Zakir Həsənovun oğlu mətbuatda - “İşimlə fəxr edirəm”

Azərbaycanın müdafiə naziri, general-polkovnik Zakir Həsənovun oğlu, Baş Mühafizə İdarəsinin Nərimanov Rayon Mühafizə İdarəsinin rəis müavini vəzifəsində çalışan Nazim Həsənov mətbuata danışıb.


Azvision.az-a açıqlamasında N.Həsənov tutduğu vəzifədən məmnun olduğunu, ona göstərilən etimada görə daxili işlər naziri Ramil Usubova minnətdarlığını bildirib:

"Daxili İşlər Nazirliyinin əməkdaşı olduğuma görə qürur duyuram. Hər zaman cənab nazirimizin əmr və tapşırıqlarını ica etməyə hazıram. Cənab nazirin bütün göstərişləri vaxtında icra olunur. Bundan sonra da əlimdən gəldiyi qədər vətənimə, dövlətimə xidmət etməyə hazıram. Bütün göstərişlər canla-başla yerinə yetirilir. Özüdə necə lazımdır, yerinə yetirilir. Bu günə qədər də bir şikayət yoxdur. Daxili İşlər Nazirliyinin əməkdaşı olduğuma görə fəxr edirəm”.

N.Həsənov atası Zakir Həsənovdan da söz açıb:

"Zakir müəllim çox yaxşıdır. Gərgin rejimdə işləyir. Heç bir problem yoxdur. İşlər yaxşı gedir. Münasibətlərimiz də çox yaxşıdır”.