Küçə sənətçisinin əl işi 435 milyona satıldı

Britaniyalı küçə sənətçisi Benksinin əl işi Londonda keçirilən auksionda 435 milyon funt sterlinqə satılıb. Bu, təxminən, 655 min dollar edir. Auksionu "Bonhams” hərrac evi təşkil edib. 

Benksinin işini satışa bir müddət sənətçinin meneceri olan sənətşünas Stiv Lazarides çıxarıb. Rəssamın ümumilikdə 32 əsəri satışa çıxarılıb və onlardan 30-u gözləniləndən daha baha qiymətə satılıb. Əsərlər arasında polisin kobud jestini göstərən "Rude Copper” – "Kobud polis” 32.5 milyon funt sterlinqə satılıb. 

Digər bir əsər – "İsa alış-veriş torbası ilə” əsəri isə 22.5 milyon funt sterlinqə öz yeni sahibini tapıb. "Atılmış çiçəklər” əsəri isə 20.6 milyon funt sterlinqə satılıb. "Bonhams” hərrac evi Benksinin işlərindən ümumilikdə yarım milyon funt sterlinqdən çox gəlir əldə edib. Benksinin bugünədək ən baha qiymətə satılan əsəri "Ziyanvericilərlə mübarizə” olub. Həmin iş 2008-ci ildə 1.9 milyon dollara satılıb.