Azərbaycanlı futbolçu Ermənistan klubuna keçdi

21 yaşadək futbolçulardan ibarət Azərbaycan yığmasının sabiq üzvü Şamil Qurbanov Ermənistan klubuna keçib.

Vesti.az xəbər verir ki, o, İrəvanın "Uliss” komandası ilə anlaşıb.

Qurbanov Türkiyədə təlim-məşq toplanışında olan yeni komandasının düşərgəsinə qoşulub. O, Moldova təmsilçisi "Milsami” ilə keçirilən yoxlama görüşündə də iştirak edib.

Maraqlıdır ki, Azərbaycan vətəndaşlığı olsa da, milliyətcə dağıstanlı olan Qurbanovun "Uliss”ə keçidi erməniləri qorxuya salıb.

Ermənistan Yazıçılar Birliyinin rəhbəri Samvel Beqlatyan çempionata liderlik edən komandaya Azərbaycan vətəndaşlığı olan futbolçunun cəlb olunmasının əleyhinədir: "Necə yəni, o, azərbaycanlıdı? Ermənistan klubunda azərbaycanlı futbolçuya nə gərək var?”("Qafqazinfo")