Metroda gərginlik: işıqlar söndü, eskalator dayandı

Bu gün saat 13:30 radələrində metronun "Elmlər Akademiyası” stansiyasında işıqlar sönüb.

ANN.Az "APA-Economics”ə istinadən xəbər verir ki, bu barədə "Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib.

N.Paşayev qeyd edib ki, işıqların sönməsinə səbəb gərginliyin düşməsi olub: "Gərginliyin düşməsi səbəbindən stansiyada işıqlar sönüb, eskalator dayanıb”.

QSC rəsmisi əlavə edib ki, işıqların sönməsi qatarların hərəkətinə heç bir təsir göstərməyib.

ANN.Az