Kredit faizi aşağı salındı

Azərbaycanda fəaliyyət göstərən bəzi banklar müştərilərinə güzəştlər etməyə başlayıb.

ANS PRESS-in məlumatına görə, bəzi iri banklar dollarla kredit götürən müştərilərinin kredit faizlərini azaldıblar. Bankların müştəriləri üçün etdiyi bu jest təxminən 2-3% civarındadır. Banklar bu yolla müştərilərində stimul yaratmağa çalışır.

Qeyd edək ki, Mərkəzi Bankın İdarə Heyətinin 21 fevral 2015-ci il tarixli qərarı ilə 1 ABŞ dollarının rəsmi məzənnəsi 1.05 AZN səviyyəsində, 1 avronun rəsmi məzənnəsi isə 1.19 AZN səviyyəsində müəyyən edilmişdi.

Həmin qərardan sonra dollarla kredit götürən bank müştərilərinin ödənişləri manatla ifadədə 35% artmışdı. Bəzi vətəndaşlar bu səbəbdən kredit ödənişində çətinlik çəkdiklərini deyirdi.

Görünür bankların bu son faiz kampaniyası vətəndaşların banklara qarşı azalan marağını bərpa etmək üçündür. Banklar həmçinin, ödənişdə çətinlik çəkən vətəndaşlara uyğun imkanlar yaradır.

ANN.Az