“Nar Mobile” uşaqların idmana olan marağını artırır

"Nar Mobile” Bakı-2015 Avropa oyunları ilə tərəfdaşlıq çərçivəsində Azərbaycanın idman federasiyalarında "Açıq qapı” günlərini davam etdirir. Sağlam həyat tərzi və idmanı təşviq edən mobil operator layihə çərçivəsində 19 mart 2015-ci il tarixində Güləş Federasiyası, 31 martda isə Karate Federasiyasında keçirilən açıq məşqlərin tərəfdaşı qismində çıxış edib. Hər iki tədbirdə Azərbaycan yığma komandasını Avropa oyunlarında təmsil edəcək tanınmış idmançılar, dünya və Avropa çempionları iştirak ediblər. Onlar, idmanda ilk addımlarını atan uşaqlar üçün nümunə olmaqla yanaşı, həvəskarların da idmanla məşğul olmaları üçün stimul yaradıblar.

Qeyd edək ki, layihə çərçivəsindəki ilk tədbirlər Voleybol Federasiyası və Bakının 44 saylı orta məktəbində keçirilib. Ümumi hesabla 150 uşaq və yeniyetmə, o cümlədən onların valideynləri həmin tədbirlərdə iştirak etmişdilər. "Nar Mobile” operatorunun dəstəyi ilə keçiriləcək növbəti tədbirlər isə 2 aprel tarixində Cüdo Federasiyası, 7 apreldə Boks Federasiyası, 8 apreldə isə Taekvondo Federasiyasında təşkil olunacaqlar. "Nar Mobile” uşaqları və onların valideynlərini bu tədbirlərdə iştirak etməyə dəvət edir.

Azərbaycanın sürətlə inkişaf edən mobil operatoru "Nar Mobile” 2007-ci ildən etibarən abunəçilərinə xidmət göstərir. Fəaliyyət göstərdiyi illər ərzində "Nar Mobile” daima sərfəli qiymət siyasətinə sadiq qalaraq, müxtəlif tarif planları ilə abunəçilərinə ən sərfəli təkliflər təqdim etmiş və onların rəğbətini qazanmışdır. Münasib danışıq tarifləri ilə yanaşı, mobil operatorun fərqliliyi və sərfəliliyi ilə seçilən İnternet paketləri və abunəçilərin hər zona üzrə eyni qiymət ödədiyi sadə rouminq təklifləri xüsusilə qeyd olunmalıdır. "Nar Mobile” Bakı 2015 Avropa oyunlarının rəsmi mobil rabitə təminatçısıdır.