Çempionlar Liqasında 1/4 finalın cavab oyunları keçiriləcək

Bu gün Çempionlar Liqasında 1/4 finalın cavab oyunları keçiriləcək.

Qol.Az-ın məlumatına görə, baş tutacaq 2 qarşılaşmadan sonra ilk iki yarımfinalçı müəyyənləşəcək.

Səfərdə PSJ-ni məğlub edən "Barselona" rəqibini doğma azarkeşləri önündə qəbul edəcək. Paris təmsilçisi yarımfinala adlamaq üçün rəqibinə ən azı 3 cavabsız qol vurmalıdır. Əks təqdirdə PSJ 1/4 finalda mübarizəni dayandıracaq.

Digər oyunda "Bavariya" evdə "Portu"nu sınağa çəkəcək. Səfərdə gözlənilmədən rəqibinə 1:3 hesabı ilə uduzan Münhen təmsilçisi həmin məğlubiyyətin əvəzini çıxmağa çalışacaq. Hər iki oyun Bakı vaxtı ilə saat 23:45-də başlayacaq.

Qeyd edək ki, digər iki yarımfinalçı sabah keçiriləcək iki oyundan sonra müəyyənləşəcək.

21 aprel, Çempionlar Liqası, 1/4 finalın cavab oyunları

23:45. "Barselona" (İspaniya) - PSJ (Fransa)
(İlk oyun - 3:1)

23:45. "Bavariya" (Almaniya) - "Portu" (Portuqaliya)
(İlk oyun - 1:3)

22 aprel
"Monako" (Fransa) - "Yuventus" (İtaliya)
(İlk oyun - 0:1)

"Real" (Madrid, İspaniya) - "Atletiko" (Madrid, İspaniya)
(İlk oyun - 0:0)
www.ann.az