Dünyada ilk elmi-texniki laboratoriya Azərbaycandadır - VİDEO

Ərazidə yerləşən tibb məntəqəsində stomatoloq və cərrahiyyə kabinələri var. Həmçinin burada rentgen aparatı vasitəsilə yoxlamalar aparmaq da mümkündür. Neft Daşları Tibbi Sanitar Hissəsinin (THS) ehtiyat dərmanları sırasında şok əleyhinə dərmanlar da var. Bu isə ən ağır vəziyyətdə olan xəstələrə belə ilkin tibbi yardım göstərməyin mümkün olduğunu göstərir.

Durumu ağır olan xəstələr gəmi və helikopterlər vasitəsilə digər xəstəxanalara təxliyə olunur.

Neft Daşları Tibbi Sanitar Hissəsinin növbətçi həkimi, terapevt Çingiz Məmmədov "Report"a deyib ki, onlara sutka ərzində 100-ə qədər müraciət daxil olur və müraciətlərin əksəriyyəti kəskin respirator xəstəliyi ilə bağlı olur: "Müxtəlif istiqamətlər üzrə - kardioloji və stomatoloji problemlərlə bağlı da müraciətlər daxil olur. Amma indi ən çox kəskin respirator xəstəliyi olan xəstələr gəlir".

C.Məmmədovun sözlərinə görə, xəstələri ağırlıq dərəcəsindən asılı olaraq ya Çilov adasındakı xəstəxanaya, ya da Bakıya göndərirlər.

Neft Daşları həmçinin dünyada ilk elmi-texniki laboratoriya hesab olunur. Burada yerləşən mərkəzlərdən biri də müxtəlif növ kimyəvi analizlər aparılan laboratoriyadır. Laboratoriyada gün ərzində 10, bəzi hallarda isə 20-25 analiz aparılır.


www.ann.az