“Ermənistanın işğalçılıq siyasəti Ermənistanın özünə də ziyan vurur”

"Çinin yeni İpәk Yolu konsepsiyası Çini yeni dünya kimi tәqdim edәn ilk meqalayihәdir”.

APA-nın mәlumatına görә, bu sözlәri "Cәnubi Qafqaz vә Mәrkәzi Asiya ölkәlәri İpәk Yolu iqtisadi kәmәri kontekstindә” adlı tәdbirdә Prezident Administrasiyasının Xarici әlaqәlәr şöbәsinin müdir müavini Әrәstu Hәbibbәyli deyib.

Ə. Həbibbəyli bildirib ki, Qafqaz bu nәqliyyat dәhlizindә әn mühüm regiondur: "Bu istiqamәtdә regionun tәşәbbüsü olan Bakı-Tbilisi-Qars dәmir yol xәtti yaxın vaxtlarda istifadәyә verilәcәk. Azәrbaycan bu layihәdә öz öhdәliklәri ilә bәrabәr Gürcüstana kredit verәrәk dünyaya donor Azәrbaycanı tәqdim edib. Bu layihә yeni dәmir İpәk Yolu olacaq. Bütün bu layihәlәr sülh demәkdir. Yolların olması tәhlükәsizliyin olmasıdır. Amma tәәssüf ki, bu niyyәti regionda digәr ölkәdәn, yәni Ermәnistandan görmürük. Ermәnistanın işğalçılıq siyasәti bu gün dә davam  edir. Beynәlxalq hüquqa mәhәl qoyulmur. Bu, Ermәnistan xalqının özünә dә xәlәl gәtirir. Azәrbaycanın  isә günbәgün inkişaf etmәsi göz qabağındadır”.
www.ann.az