Bizim Qonaq: "Səhnəyə sadəcə gəlmək və getmək olmaz" - Zərnigar Ağakisiyeva

Həyat bir səhnədir, hər kəs öz rolunu oynayır və bir gün onu tərk edib kənara çəkilir - bu deyimi hərfi mənada başa düşməyə çalışsaq, səhnədə öz rolunu layiqincə ifa edib bir tərəfə çəkilən sənətkarlarımızın, aktyorlarımızın, aktrisalarımızın da çox olduğunu deyə bilərik. Onların sayı kifayət qədərdir  - Səfurə İbrahimova, Elmira Rəhimova, Elmira Şabanova. Zemfira Nərimanova və bəlkə də adını unutduğumuz digər sənətkarlarımız.

Fərqli obrazlar yaradıb tamaşaçılarının yaddaşında dərin iz buraxan sənətkarlarımızdan biri Azərbaycan teatr və kino aktrisası, Respublikanın xalq artisti Zərnigar Ağakişiyevadır.

ANN.TV-nin "Bizim qonağ"ı olan Zərnigar xanım həyat və yaradıcılıq tarixçəsindən, bu sənətə gəlişindən, hazırda nələrlə məşğul olduğundan danışıb. Həyatını, şəxsi xoşbəxtliyini sənətə, səhnəyə qurban verən məşhur aktrisamız bu gün hər şeyi kənardan necə və nələr müşahidə etdiyindən bəhs edib, hisslərini bölüşüb.