Xəstəliklərə heyvan adlarının verilməsi qadağan olunur - AÇIQLAMA

Tibb elmləri doktoru, professor Adil Qeybulla da ANN.Az-a açıqlamasında xəstəliklərə heyvan adlarının verilməsini düzgün hesab etməyib. Mütəxəssis heyvan adlarının xəstəliklərə verilməsini epizodik xarakter daşıdığını bildirib: "Bəzən xəstəliyin mənşəyi, baş vermə prosesi, ilk dəfə aşkar olduğu canlı subyektlə bağlı olaraq ona ad verilir və bu adlar içərisində heyvan adları da var. Heyvanlarla yanaşı bitki mənşəli xəstəlik adları da mövcuddur. Ancaq heyvanlarla insanların orqanizmləri daha yaxın olduğundan təbii ki, o xəstəliklər şüursuz canlıdan şüurlu canlıya daha tez keçmə ehtimalı var. O baxımdan xəstəliklər də bu cür adlanır”.

Professor qeyd edib ki, xəstəliklərə heyvan adlarının verilməsi insanlara yalnız psixoloji təsir göstərə bilər: "Bu insanlarda psixoloji aspektdən asılı olaraq dəyişə bilər. Yəni heyvanlarla sıx əlaqəda olan, heyvan sevgisi daha çox olan bir insanda bu psixoloji sarsıntıya gətirib çıxarar. Amma çox ciddi problemlərin yaranmasına səbəb olacaq bir məsələ deyil”.

 

 

Bu xəstəlik adlarının ("Toyuq korluğu”, "Quş qripi”, "Donuz qripi” və.s) dəyişdirilməsinə xüsusi bir ehtiyacının olmadığını bildirən A.Qeybulla əksər xəstəliklərı onların modelləşdirilməsi, müalicəsi, metodların, dərmanların xəstəlikdə effekt yaratmasına görə uyğunlaşdırılıb, heyvanlar üzərində aparılan ekspermentlərə görə müəyyən edildiyini bildirib.

 

Bu məsələnin Ümumdünya Səhiyyət Təşkilatı səviyyəsinə qədər qalxması və qurumun belə qərar verməsi məsələsinə gəlincə, Adil Qeybulla vurğulayıb ki, Azərbaycan da dünyanın bir hissəsidir və beynəlxalq qurumlar, təşkilatlar qarşısında öhdəlikləri var: "Ümumdünya Səhiyyət Təşkilatının qəbul etdiyi bütün qaydalar, qanunlar bizim ölkəmiz üçün də keçərlidir. Əgər xəstəliklərə heyvan adlarının verilməsi qadağan olunacaqsa təbii ki, bu Azərbaycana da aid olacaq. Çünki hər hansı bir xəstəliyin müalicəsi Ümumdünya Səhiyyə Təşkilatının qəbul etdiyi protokollar əsasında həyata keçirilir. Vərəmin, mədə xorasının müalicəsində artıq ÜST-nın protokolları var. Bütün dünya və Qərb səhiyyəsi bu protokollar əsasında işləyir və biz də qəbul olunmuş protokollar əsasında müalicə aparırıq”.