Natiq Əliyev: Azərbaycan iqtisadiyyatı çox möhkəmdir

2035-ci ilə kimi enerji resurslarına tələbat artacaq.

Oxu.Az xəbər verir ki, bu barədə Azərbaycanın energetika naziri Natiq Əliyev "Capsian European Club”un təşkilatçılığı ilə keçirilən biznes forumda jurnalistlərə bildirib.

O bildirib ki, hal-hazırda dünyada 1 milyarddan çox avtomobil var, gələcəkdə isə bunların sayı iki dəfə artacaq.

"Bütün bu məsələləri nəzərə aldıqda gələcəkdə neft-qaz əsas enerji resursu olaraq qalacaq”.

Nazir bildirib ki, gələcəkdə enerji istehlak edən ölkələrin sırasına digər ölkələr də qoşula bilər.

"Gələcəkdə Hindistan, Çin, Şərqi, Cənubi Asiya ölkələri də əsas istehlakçı ölkələr sırasına daxi ola bilər-deyə”, Natiq Əliyev bildirib.

Nazir həmçinin ötən ilin göstəricilərinə də toxunub və bildirib ki, ötən il Azərbaycanda 42 milyon ton neft hasil olunub.

Onun sözlərinə görə, hasil olunan həcmin 34 milyon tonu "Azəri-Çıraq-Günəşli” yatağının payına düşüb.

"Ötən il 29,6 milyard kubmetr qaz hasil edilib ki, bu həcmin əksəriyyəti "Azəri-Çıraq-Günəşli” və "Şahdəniz” yataqlarından hasil edilib”, - nazir deyib.

Natiq Əliyev bildirib ki, neftin ixracı təxminən 35 milyon ton olub.

"Bunun əksəriyyəti "Azəri-Çıraq-Günəşli” və "Günəşli” yatağının payına düşüb. Eyni zamanda limanlardan ixraca göndərilən neftin 67,9%-i Azərbaycanın payına düşüb.

Hesab edirəm ki, bunlar çox yüksək göstəricilərdir. Dünya bazarlarında neftin qiyməti keçən ilin iyunundan kəskin azalsa da, Azərbaycan iqtisadiyyatı çox möhkəmdir. Biz inanırıq ki, Azərbacyanın mədən neft qaz sənayesi hələ iqtisadi inkişaf üçün çox böyük imkanlar yaradacaq”, - nazir bildirib.

Nazir bildirib ki, ötən il enerji istehsalı da artıb:

www.ann.az