Avtomobillərin icarəyə verilməsində yanlışlıq nədə olur? - AÇIQLAMA

Ərşad Hüseynov avtomoillərin icarə verilməsi ilə bağlı ayrıca qanunun olmadığını deyib: "Müqavilə şərtləri, müqavilənin bağlanması, avtomobilin təhvil verilməsi və s. məsələlərlə bağlı Mülki Məcəllədə müdəalar göstərilir. Hamı sual verir ki, niyə məhz avtomobil icarəsi dövlət tərəfindən tənzimlənmir? Əslində bu məsələlər dövlət tərəfindən tənzimlənə də bilməz.  Çünki bu sahibkarlıq fəaliyyətidir. Burada qiymətləri sahibkarlar özləri tənzimləyə bilərlər. Buna görə də qiymətlər avtomobillərin növlərin görə, mühərrik həcminə görə, keyfiyyətinə görə  ayrı-ayrı cədvəllərə bölünür”.

Vətəndaşların icarəyə avtomobil götürdükləri zaman ayıq-sayıq olmalılarını qeyd edən ekspert əlavə edib ki, bu zaman texniki baxış həyata keçirilməli, avtomobilin istifadəyə yararlı olub-olmadığı müəyyən edilməlidir: "İcarəyə avtomobil götürən şəxs uşaq deyil ki, onu asanlıqla aldadıb, nasaz maşın versinlər. İcarəyə avtomobil götürən şəxs şirkətlə razılaşdıqdan sonra rahat şəkildə müqavilə imzalaya bilər”.

Ekspert nəqliyyat vasitəsini onu idarə edən vətəndaşa bağlayan sənədlərin aşağıdakılar olduğunu qeyd edib: 

1)Mülkiyyət sənədi (Qeydiyyat şəhadətnaməsi) – bu icarəyə verilən avtomobildə ola bilməz

2)Etibarnamə

3)İcarə müqaviləsi

4)Yol vərəqi – Yol vərəqi şirkətin işçisinə verilir. 

Ə.Hüseynov daha sonra "Yol vərəqi”nin avtomobili icarəyə götürən şəxsə verilməsinin yanlış praktika olduğunu deyib. O, eyni zamanda bunun Azərbaycan Respublikası qanunvericiliyində nəzərdə tutulmadığını bildirib: "Bunu hansı icarə şirkəti edirsə. səhv edir. "Yol vərəqi” kontraktla, əmək müqaviləsi ilə qanuni ştatda olan işçiyə verilir. Avtomobil icarəyə götürülərkən yalnız "icarə müqaviləsi” verilməlidir. Və yaxudda "Etibarnamə” verilə bilər. "Yol vərəqi” avtomobili icarəyə götürən şəxsə verilirsə, ola bilsin şirkət nümayəndələri  ya qanunları yaxşı bilmirlər, ya da bu qanunsuz hərəkətləri  pul qazanmaq üçün edirlər”.

Bu işlərə hansı orqanları nəzarət etdiyini vurğulayan eskpert qeyd etdi ki,buna yol polisidə nəzarət edə bilər: "Həmin icarə şirkətləri kommersiya təşkilatlarıdır, sahibkarlıq subyektləridir, buna Vergilər Nazirliyi nəzarət edir, şirkət işçilərinin hamısı sosial müdafiə fondunda sığortası olmalıdır”