Xarici qonaq: “Hər şey göz qabağındadır” - AÇIQLAMA

O, Bakıda ən çox yerli əhalinin turistlərlə çox yaxşı münasibət göstərilməsindən danışıb: "Sizin vətəndaşlar turistlərlə çox mehriban davranırlar. Özləri bizə yaxınlaşıb nəsə lazım olduğunu, hara və necə gedəcəyimiz soruşurlar. Bu, həqiqətən də nəinki bizim üçün, digər turistlər üçün də çox xoşdur”.

T.Kaya oyunlar keçirlən arenaların möhtəşəm olduğunu bildirib: "Arenaların belə fantastik gözəlliklərə malik olacağını gözləmirdim. Açılış mərasimi isə çox füsunkar idi. Bakı çox dəyişib. Mən təxminən 2 il əvvəl Bakıya gəldim və bir ilə yaxın burada yaşadım.  Paytaxt Bakı çox inkişafdadı. Mənim üçün artıq buralarda gəzmək, istirahət etmək zövqvericidir. Avropadan gələn turistlər də Bakının heyranedici gözəlliklərinin şahidi oldular. Oyunlar zamanı xarici turistlərin bəzilərinin birinci dəfə Bakıya gəldiyini eşitdim. Onlarda oyunların belə arenalarda keçiriləcəyinə inanmırdılar”. 

I Avropa Oyunlarından sonra Azərbaycan iqtisadiyyatının çətinliklərlə üzləşə biləcəyini vurğulan turist oyunlara və arenaların tikintisinə çox pul xərcləndiyni ehtimal edir: "Oyunlar keçirilən arenalar həqiqətəndə çox dəbdəbəlidir. Yəqin ki buna görə çox pul xərclənib. İqtisadi çətinliklər ola bilər. Amma bütün bunlara baxmayaraq, hər şeyin yaxşı olacağına ümid edirəm”.

T.Kaya bundan sonra da Azərbaycanda beynəlxalq yarışların, idman turnirlərinin keçiriləcəyindən xəbərdar olduğunu deyib: "Artıq nəinki Avropa, bütün dünya Azərbaycanı beynəlxalq yarışlar keçirilən bir ölkə kimi tanıyacaq. Dünya ölkələri Avropa Oyunlarının Bakıda bu qədər geniş şəkildə keçirilməsinə inanmırdı. Amma hər şey göz qabağındadır”.