Azadlıq Radiosu hekayə müsabiqəsinin qaliblərini elan etdi

AzadlıqRadiosunun mədəniyyət portalı olan oxuzali.az-da keçirilən "Ədəbi Azadlıq-2015" Müsabiqəsinin qalibləri açıqlandı.

Rövşən Danyeri "U döngəsi" hekayəsi ilə müsabiqədə 1-ci olub. 

İkinci yeri "Edam" hekayəsi ilə Sevinc Nuruqızı qazanıb. 

Ceyhun Gündüz ("Her Şey Yaxşı Olmayacaq") və Qalib Bəhramov ("Şəkil") üçüncü olublar.  

Bu il müsabiqənin qaliblərini vaxtından əvvəl elan etməyə məcbur olduq. 

Onluqda yer alan İkinci Mahmud adlı yazarın qaydalarımıza zidd olaraq əvvəllər başqa adla İnternetdə paylaşdığı hekayə müsabiqədən kənarlaşdırılıb.

Oxu Zalı ədaləti bərpa etməyin ən uyğun yolu kimi müsabiqənin on-line səsvermə və onluq mərhələlərinin nəticələri ləğv edilməsində görüb.

Müsabiqənin ilk mərhələsində - imzasız oxunuş mərhələsində münsiflərdən kim çox bal alıbsa o da qalib olsun.

İmzasız oxunuş mərhələsinin nəticələri isə belədir:

Rövşən Danyeri. U döngəsi - 51

Sevinc Nuruqızı. Edam - 39,5

Ceyhun Gündüz. Her Şey Yaxşı Olmayacaq -37

Qalib Bəhramov. Şəkil - 37

(İkinci Mahmud. Ümid arısı 34)

Hacıbala Səfərov Sağ çıxmaq - 31

Saday Fərəcov Prezidentin oxşarı - 24

Mehri Mustafa. Yarımçıq Tablo - 23

Məsumə Əhədova. "Göbəkbağı” - 21

Ömər Məmmədli. İşıldayan Ayaqqabılar - 21

Vüsal Nuru. Paltarboğan kənd  - 20

Fərhad Yalquzaq. Aqibət - 20

(Faiq Əhmədov. Lyuk- 20)

Xan Abdulla. "Mən necə kafir oldum” - 20

Nəsib Nəsirov. "Mübahisəli məsələ”  - 20

Yaşar Bünyad. Sükutun Rahatlığı - 19.5

Nigar Şahsuvarova. Məktub - 18 bal

Vəfa Qafarova . Beşikdәki Şeytan - 18

Novruzov Novruz. Mәleykә - 18

Bilal Hüseynov. İnşa - 18

Məcid Həsənli. Yel - 18

Bundan əvvəl müsabiqənin şeir nominasiyasında da qalibləri elan edilib. 

Müsabiqənin bütün münsifləri:

Azərbaycan ədəbiyyatının türkiyəli araşdırmaçısı Seyfəddin Altaylı 

Şair Məmməd İsmayıl (Türkiyə)

Ədəbiyyatşünas Arif Acaloğlu (Türkiyə)

Yazıçı Əli Əkbər (İsveçrə)

Yazıçı Nərmin Kamal (Böyük Britaniya)

Kinoşünas Aygün Aslanlı (Azərbaycan)

"Ədəbi Azadlıq" mükafatı və müsabiqənin hədiyyələri olan noutbuklar qaliblərə iyulun ortalarında Bakıda keçirməyi planlaşdırdığımız mərasimdə təqdim olunacaq.