Azərbaycanda avro ilə bağlı vəziyyət açıqlandı

Avro dollar qarşısında kəskin ucuzlaşıb.

İyunun 29-da Yunanıstanda baş verən qeyri-iqtisadi proseslərlə əlaqədar olaraq, Avrozonada avro dollar qarşısında kəskin ucuzlaşıb.

Belə ki, bazar ertəsi günü Tokio saatı ilə 11:42-də avro 1,4% ucuzlaşaraq 1,1011 dollar səviyyəsinə çatıb.

Avrozonada baş verən proseslər Azərbaycanda birvalyutalı səbətə daxil olan avro-manat münasibətlərinə də öz təsirini göstərib. Qeyd edək ki, iyunun 24-də bir avro 1,1727 manat, iyunun 25-də 1,1755 manat, iyunun 29-da isə 1,1558 dollara düşüb.

Azərbaycan Mərkəzi Bankının məlumatına görə, iyunun 30-da avro dünənki ucuzlaşma tendensiyasını pozaraq 2%-ə yaxın bahalaşıb.

İqtisadçı-ekspert Rəşad Həsənov isə Oxu.Az-a bildirib ki, bu gün avronun manatla müqayisədə bahalaşmasına səbəb AMB və AB komissarı, Oland və Merkel səviyyəsində dünənki gündə pozitiv mövqe sərgilənməsi valyuta bazarlarının toparlanmasına az da olsa təsirini göstərir.

Onun sözlərinə görə, hələlik avro ilə bağlı qeyri-müəyyənlik davam edəcək:

"Düşünmürəm ki, proseslər uzunmüddətli olacaq. Çünki, hər iki tərəfə Yunanıstan xalqı və AB ən qısa zamanda razılaşmağa çalışacaq. Çünki, baş verənlərdə hər iki tərəf itirir. Sadəcə referendum qərarı faktiki anlaşılmazlıq olaraq qiymətləndirildi və buna adekvat reaksiya ortaya qoyuldu. Amma hələlik avro ilə bağlı qeyri-müəyyənlik davam edəcək” deyə, o əlavə edib.

Məlumat üçün bildirək ki, iyunun 30-da Yunanıstan BVF-yə 1,6 milyard avro həcmində olan borcunu ödəməlidir, əks təqdirdə ölkə defolt elan edilərək, Avrozonadan çıxarılacaq.

Qeyd edək ki, Yunanıstanın baş naziri Aleksis Tsipras dövlət televiziyalarının birinə son açıqlamasında onları Avrozonadan atacaqlarına inanmadığını deyib.

www.ann.az