Məşhur milyonçunun füsunkar bağından acınacaqlı FOTOLAR

 

 

 

Təkcə Bakıda həm yerli əhalinin, həm də ölkəyə gələn turistlərin maraqlı istirahətini təşkil etmək üçün o qədər səfalı və gözəl yerlər var ki... Düzdü, son vaxtlar paytaxtda park və bağlar salınır, yaşıllaşdırma işləri aparılır. Amma yaddan çıxarmayaq ki, onillik yaşı olan belə bağlarımız var, sadəcə onların qayğısına qalmaq və baxımlı etmək lazımdır.

Belə gözdən-könüldən iraq düşən yerlərdən biri Dendrologiya İnstitutunun bağıdır. 2014-cü ildə bağın vəziyyətinin yaxşılaşdırılması məqsədilə təmir işləri aparılıb - bağın beynəlxalq standartlarla müasir səviyyədə qurulması məqsədi ilə 10 min kvadratmetr asfalt örtüyü, 1800 kvadratmetr dam örtüyü vurulub, 6 min metr bordür çəkilib. Amma bu yenə də yetərli olmayıb.

ANN.Az-ın fotomüxbiri bugünlərdə bağda olub və onun hazırladığı fotosessiya bu füsunkar təbiət ocağının baxımsız durumda olduğunu göstərir. Bağın baxımsız olmasına rəğmən bura gələnlər də az deyil.

Nə isə, necə deyərlə, yüz danışmaqdansa, bir görmək daha yaxşıdır. Ötən əsrin xeyriyyəçisi və neft milyonçusu Murtuza Muxtarovun şəxsi bağı olan bu yerin indiki halını oxuculara təqdim edirik.