ANN.Az-ın əməkdaşı fərqlənmə diplomuna layiq görüldü - FOTO
14.07.2015 16:43
Bu gün Beynəlxalq Mətbuat Mərkəzində Azərbaycan Mətbuat Şurası və Dini Qurumlarla İş üzrə Dövlət Komitəsinin "Milli-mənəvi dəyərlər və müasirlik” mövzusunda kütləvi informasiya vasitələrinin təmsilçiləri arasında keçirilən yazı müsabiqəsinin nəticələri elan olunub.
ANN.Az xəbər verir ki, müsabiqədə I yerə "Azərbaycan”, II yerə "Kaspi”, III yerə isə "525-ci qəzet”də dərc olunan məqalələr layiq görülüblər. Qeyd edək ki, qaliblərə diplomdan əlavə I yer üçün 1000 manat, II yer üçün 700 manat, III yer üçün 500 manat məbləğində mükafat təqdim olunub.
Bundan əlavə müsabiqəyə qatılan 10 nəfər fərqlənmə diplomuna layiq görülüblər və onların arasında ANN.Az-ın müxbiri Orxan Aslanlının "Nikah - milli-mənəvi dəyər, yoxsa cəmiyyət qarşısında öhdəlik?” sərlövhəli məqaləsi də var.
Müsabiqəyə may ayının 1-dən iyun ayının 1-dək müddətdə qəzet, jurnal və informasiya agentliklərində, həmçinin xəbər saytlarında gedən yazılar daxil edilib.
ANN.Az redaksiyası əməkdaşımızı və müsabiqədə qalib olan digər həmkarlarımızı təbrik edirik.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
