“Barselona” və “Real” arasında matçların tarixləri məlum oldu

Oxu.Az xəbər verir ki, 1-ci turda çempion "Barselona” Bilbaoda "Atletiko” ilə, gümüş mükafatçı – Madrid "Real”ı isə Xixionda "Sportinq” ilə oynayacaq.

Madridin "Atletiko”su "Las-Palması”, "Valensiya” "Rayo Valekano”nu qəbul edəcək. Maraqlıdır ki, 1-ci turda azərbaycanlı futbolçu Eddi İsrafilovun keçmiş və indiki komandaları – "Qranada” və "Kordoba” görüşəcəklər.

Eləcə də mövsümün əsas matçı olan "Barselona” və "Real” arasında görüşün tarixi məlum olub. Bu oyunlar 12-ci və 31-ci turda keçiriləcək. Komandalar 7 və ya 8 noyabrda Madriddə, 2 və ya 3 apreldə Barselonada oynayacaqlar.