"AZAL" qəza ilə bağlı açıqlama verdi

Bunu "Azərbaycan Hava Yolları" QSC-nin Honq Konq Beynəlxalq Hava limanında Azərbaycanın "Silk Way West Airlines" şirkətinə məxsus yük təyyarəsində qəza vəziyyətilə bağlı "Report"un sorğusunda cavabında bildirib.

Məlumatda daha sonra bildirilir ki, "Silk Way" aviaşirkəti, dərhal ehtiyat mühərriyini HAECO şirkətinə göndərib. Təyyarədən sökülən mühərrik, "Silk Way" aviaşirkətinin mühərrikin istehsalçısı olan "Rolls Royce" şirkəti ilə bağladığı Total Care anlaşmasına uyğun olarak "Roll Royce" şirkətinin zavodlarında təmir olunacaq. Aşkar olunan nasazlıq ve havada baş verən hadisənin səbəbi keçiriləcək baxışdan sonra aydınlaşacaq.

Xatırladaq ki, "Report"un "Apple Daily"-yə istinadən verdiyi xəbərə görə, təyyarə havaya qalxdıqdan dərhal sonra, sınaq uçuşu həyata keçirməli olan Boeing 747-400 mühərrikində yanğın baş verib.

Hava gəmisinin göyərtəsində beş nəfər olub və təyyarə yüklü deyildi.

Verilən məlumata görə, təyyarə müvəffəqiyyətlə yerə endirilib və xəsarət alan olmayıb. Hava limanı fəaliyyətini normal qaydada davam etdirir.

Qeyd olunur ki, bir qədər əvvəl təyyarədə təmir işləri görülüb və o, sınaq uçuşunu həyata keçirməli idi.