Nardaran: Bakının seçilən kəndi - FOTOLAR

Bir zamanlar birgə çalışdığım köhnə iş yoldaşımla birgə "Koroğlu” metrosundan 189 nömrəli avtobusa minib yola düşdük və təxminən 1 saatdan sonra kəndə çatdıq. Kəndin küçələrini, məhəllələrini gəzdikcə hər addımda qarşımıza müxtəlif dini kəlamlar yazılan divarlar, lövhələr çıxırdı. 

Onu da qeyd edim ki, kənddə təkbaşına küçəyə çıxan qadın görmək haradasa mümkün deyil. Yerli sakinlərdən birinin sözlərinə görə, burada qadınlar axşam saatlarında küçəyə qardaşı, həyat yoldaşı ilə birgə çıxa bilərlər.

Çəkdiyimiz çəkdik, axşam qaranlığı kəndə çökəndə geri qayıtmaq üçün avtobus gözləməyə başladıq. Dəqiqələr keçdi, saat keçdi avtobus görünmürdü ki, görünmürdü. Yoldan keçən yerli sakin çoxdan gözlədiyimizi biləndə "Kənddə saat 9-dan sonra şəhərə avtobus işləmir, ancaq kənd daxili nəqliyyat vasitələri işləyirlər. Siz ancaq "Ovdan” meydanından xeyli piayada düşüb oradan şəhərə gedən avtobus tapa bilərsiniz ” deyərək bizi təəccüb içində qoyaraq çıxıb getdi. 

Biz xeyli piyada gedib sözügedən əraziyə çatıb, burada da bir xeyli gözləyəndən sonra avtobusa minib şəhərə qayıtdıq.

Amma həmin gün Nardaran kəndində gördüklərimi kameranın yaddaşına köçürməyə dəyərdi. İndi isə həmin tarixləşdirdiyim anları oxuculara təqdim edirəm.