"Bu heyətlə qrup mərhələsində oynamaq çətin olar" – Fariz Nəcəfov

Qol.Az-ın məlumatına görə, görüşü şərh edən klub rəsmisi "Qəbələ"nin qrup mərhələsinə yüksəlmək şanslarını da dəyərləndirib

- Çox gərgin oyun keçdi. Belə olacağını gözləyirdik. Futbolçularımız bütün güclərini meydanda qoydular. Onlara təşəkkür edirəm. Düşünürəm ki, qələbə qazanmaq da olardı.

- Sizinlə razıyam. Amma bunu hər iki komanda haqda demək olar. Çünki çox sürətli oyun gedirdi. Biz "Panatinaikos”la müdafiə futbolu oynamadıq. Meydanda açıq futbol gedirdi.

- Əsas odur ki, qol buraxmadıq. Düzdür, bir qol vursaydıq, daha yaxşı olardı. Səfərdə mütləq qol vurmaq lazımdır. Belə bir rəqiblə başa-baş oynamaq və məğlub olmamaq yaxşı nəticədir.

- Səfərdə də belə oynasaq, şanslar 50/50-dir. Komanda xarakter göstərsə, şansımız bərabərdir.

- Mən hələ də ona inanıram. Əvvəlki oyunlarına baxmışam. Hücumçularda belə hallar olur, komandaya biraz gec uyğunlaşırlar. Düzdür, hücum xəttində problemlər var, amma inanıram ki, tezliklə  Antonov etimadımızı doğruldacaq.

- "Apollon”la müqayisədə təhlükəsizlik həddindən artıq yüksək səviyyədə idi. Meydana yad əşyalar buraxılmamışdı. Üstəlik, səsgücləndiricilərə də qadağa qoyulmuşdu. Stadion dolsa da, azarkeşlər arasında çılğınlıq yox idi. Amma hər zaman olduğu kimi, bu gün də fanklubumuz komandamızı dəstəkləyirdi.

- Yox, komandamız meydanda kifayət qədər istəkli idi. Son 15 dəqiqədə yorğunluq var idi. Amma qələbə qazanmaq üçün futbolçularımız hər şey etdilər. Sadəcə biz üç gündən bir oynamağa öyrənməmişik deyə fiziki cəhətdən futbolçular çətinlik çəkdilər. Amma məcburuq ki, buna da öyrənək.

- Qrup mərhələsinə düşsək, bir yox, hətta iki futbolçu transferi də mümkündür. Çünki bu heyətlə qrup mərhələsində mübarizə aparmaq çox çətin olar. Üstəlik, ölkə çempionatı da var.