“90 dəqiqə çalışdıq, bunu edə bilmədik”- Niko Kovaç

"Qafqazinfo” xəbər verir ki, H qrupunda yer alan Azərbaycan millisi evdə Xorvatiya ilə 0:0 bərabərə qalıb. 

Qarşılaşmadan sonra qonaqların baş məşqçisi Niko Kovaç mətbuat konfransı keçirib. Mütəxəssis heç-heçəni belə şərh edib:

- Biz 90 dəqiqə qol vurmaq üçün çalışdıq. Amma bunu edə bilmədik, üstünlük bizdə idi. Azərbaycan düzgün müdafiə olundu. Prosineçkinin gəlişindən sonra irəliləyiş hiss olunur. 

- Bu gün komandanızın hücum xətti zəif təsir bağışladı. Mancukiç bir çox şansdan yararlana bilmədi. Rəqibi dəyərləndirməmişdi, ya necə? 

- Bir neçə futbolçu şansdan istifadə edə bilmədi. Azərbaycan düzgün müdafiə olunmuşdu. Amma oyun boyu 8-9 şansdan istifadə edə bilmədik.

- 5 xalınız var. Fikrimcə, bu, çox çətin olacaq. Amma yanıla da bilərəm.

- Bizi 3 gündən sonra çətin oyun gözləyir. Ona görə Modriçi əvəzlədim. Sonda fürsətdən istifadə edib, millinizi təbrik edirəm. 1 xala layiq idiniz.