"Qəbələ"yə qarşı istədiyimiz kimi oynaya bilmədik"

"Çətin oyun oldu. Biz yaxşı komandaya qarşı oynadıq. Düzdür, istədiyimiz kimi oynaya bilmədik. Ancaq əsas odur ki, məğlub olmadıq".

Qol.Az-ın məlumatına görə, bu sözləri PAOK-un qapıçısı Robin Olsen Avropa Liqasının qrup mərhələsində evdə "Qəbələ" ilə 0:0 bərabərə qaldıqları oyundan sonra klubun rəsmi saytına açıqlamasında deyib.

İsveçli qolkiper "Qəbələ" ilə oyunda qazanılan bir xalın da yaxşı nəticə olduğunu bildirib: "Bir xal heç xal qazanmamaqdan daha yaxşıdır. Lakin qarşıdakı görüşlərdə daha yaxşı nəticələr qazanmaq istəyirik. Qol buraxmadığım üçün şadam. Özümü daha inamlı hiss edirəm. Lakin ən əsası komandanın uğurudur".