Xorvatiya millisinin yeni baş məşqçisi bəlli oldu

Niko Kovaçın istefaya göndərilməsindən sonra Xorvatiya millisinin yeni baş məşqçisinin kimliyi bəlli olub.

 

Apasport.az saytının bu ölkənin futbol federasiyasının saytına istinadən məlumatına görə, bu vəzifəyə Ante Kaçiç təyin olunub.

 

Onunla 2018-ci ildə Rusiyada keçiriləcək Dünya Çempionatının sonuna qədər müqavilə imzalanıb.

 

Kaçiç 2003-2006-cı illər arasında Liviya yığmasında həmyerlisi İliya Lonkareviçin köməkçisi vəzifəsində çalışıb. O, həmçinin həmin ölkənin U-21 milli komandasının baş məşqçisi kimi də çalışıb və "Aralıq Dənizi Oyunları”nda komandasına bürünc medal qazandırıb.

 

Qeyd edək ki, sabiq baş məşqçi Niko Kovaç Azərbaycan (0:0) və Norveçlə oyunlardan (0:2) sonra vəzifəsindən azad edilmişdi.