Dieqo Kosta cəzalandırılacaq?
22.09.2015 19:21
"Çelsi"nin hücumçusu Dieqo Kosta cəzalana bilər.
Qol.Az-ın Britaniya mətbuatına istinadən verdiyi məlumata görə, buna ispaniyalı futbolçunun "Arsenal"la Premyer Liqa matçında etdiyi hərəkətlər səbəb olub.
Kosta London derbisində rəqibini təxribata çəkməsi ilə diqqət çəkib. Nəticədə "Arsenal"ın futbolçusu Qabriel meydandan qovulduğu halda Kostanın yalnız sarı vərəqə ilə cəzalandırılması İngiltərə Futbol Federasiyasının diqqətindən yayınmayıb.
Federasiya həmin epizodda yaşananlarla bağlı videogörüntüləri Nizam-İntizam Komitəsinə təqdim edib. Kostanın etdiyi hərəkətlərə görə 3 oyunluq cəzalandırılacağı gözlənilir. "Arsenal" isə meydandan qovulan futbolçusu Qabriel 3 oyunluq cəza almasına etiraz etməyi planlaşdırır.
Qeyd edək ki, matçın 43-cü dəqiqəsində Kostanın rəqib müdafiəçi Loren Koselniyə əl-qol hərəkətlər etməsindən sonra digər "Arsenal"lı futbolçu Qabriel buna müdaxilə edib. Bundan sonra etdiyi hərəkətləri ilə Qabrieli də qıcıqlandıran Kosta rəqibinin meydandan qovulmasına səbəb olub. Görüş isə 2:0 hesabı ilə "Çelsi"nin xeyrinə başa çatıb.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
İdman 18:39
FIFA U-15 Dünya Çempionatında iştirak edəcək Azərbaycan millisinin açıq məşqi keçiriləcək
Foto
Video
