“Selta” “Barselona”nı darmadağın etdi - VİDEO

"Barselona” futbolçuları İspaniya çempionatında ilk məğlubiyyət ilə qarşılaşıblar.

Oxu.Az xəbər verir ki, kataloniyalılar La Liqanın 5-ci turunda səfərdə Selta komandasına böyük hesabla uduzublar - 4:1.

Meydan sahiblərinin heyətində Yaqo Aspas (30 və 56-cı dəqiqələr) dubla imza atıb, Nolito (26) və Con Guietti isə adama bir dəfə fərqləniblər.

"Barselona”nın yeganə qolunu 80-ci dəqiqədə Neymar vurub.

Paralel keçirilən oyunlarda Madridin "Real” klubu səfərdə "Atletik”i 2:1 hesabı ilə məğlub edib, "Malaqa” "Vilyarel”a minimal hesabla uduzub - 0:1, "Levante” "Eybar” ilə bərabərliyə qalıb - 2:2, "Las Palmas” çempionata uğursuz başlayan "Sevilya”nı 2:0 hesabı ilə məğlub edib, Rayo Valekano isə Sportinq ilə görüşdə qələbə qazanıb - 2:1.

5 turdan sonra La Liqaya 13 xalla "Real”, "Selta” və "Vilyareal” başçılıq edirlər, 4 və 5-ci yerləri isə 12 xal ilə ”Atletiko Madrid” və  "Barselona” bölüşdürürlər.