Daha 4 yığma "Avro-2016"nın final mərhələsində

Qol.Az-ın məlumatına görə, D, F və İ qruplarında seçmə mərhələnin oyunlarına yekun vurulub.

D qrupunun lideri Almaniya öz meydanında Gürcüstanı qəbul edib. Kaxaber Sxadadzenin komandası üzərində 2:1 qələbə qazanan Almaniya yığması Avropa çempionatının final mərhələsinə vəsiqə qazanıb. Cəbəllütariq öz meydanında Şotlaniyanı sınağa çəkib. Rəqibinə 6 cavabsız qolla qalib gələn Şotlandiya seçmə mərhələni 4-cü pillədə başa vurub. "Avro-2016"nın final mərhələsinə birbaşa vəsiqə qazanacaq ikinci komandanın kimliyinə Polşa - İrlandiya matçında aydınlıq gəlib. Rəqibini 2:1 hesabı ilə məğlub edən Polşa Almaniyanın ardından "Avro-2016"nın final mərhələsində oynamaq qazanıb.

F qrupunun lideri Şimali İrlandiya səfərdə Finlandiya ilə qarşılaşıb və bu görüşdə qalib müəyyənləşməyib - 1:1. Farer adaları Rumıniyanı, Yunanıstan isə Macarsıtanı qəbul edib. Bu qrupda isə sonuncu birbaşa vəsiqə uğrunda mübarizə Rumıniya və Macarıstan arasında gedirdi. Rumıniya Farer adalarına 3:0 hesabı ilə qalib gələrək "Avro-2016"ya ikinci birbaşa vəsiqənin sahibi olub. Yunanlar Macarıstana 4:3 hesabı ilə qalib ggəlsə də, turnir cədvəlinin sonuncu pilləsindən qurtula bilməyiblər.

İ qrupunda iki oyun keçirilib. Serbiya öz meydanında qrup lideri Portuqaliyanı qəbul edib. Rəqibinə 1:2 hesabı ilə uduzan serblər seçmə mərhələni 4-cü pillədə başa vurub. Digər görüşdə Albaniya Ermənistanın qonağı olub. Albaniya İrəvanda 3:0 hesablı qələbə qazanaraq tarixində ilk dəfə olaraq Avropa çempionatının final mərhəlsində oynamaq hüququ qazanıb.

 

Qeyd edək ki, bu gün baş tutan oyunlardan sonra D qrupunda Almaniya və Polşa, F qrupunda Rumıniya və İ qrupunda Albaniya birbaşa "Avro-2016"nın final mərhələsində oynamaq hüququ əldə edib. Qruplarında üçüncü pilləni tutan İrlandiya və Macarıstan isə bu hüquqa yiyələnmək üçün pley-off oyunlarına qalıb.