Simeone: "Bu, ədalətsizlikdir"

"Atletiko"nun baş məşqçisi Dieqo Simeone "Qızıl top"a namizəd futbolçular haqda danışıb.

Qol.Az-ın "sport.es"ə istinadən verdiyi məlumata görə, argentinalı mütəxəssis komandasının iki futbolçusu - Anton Qrizman və Dieqo Qodinin namizədlər sihasında yer almamasını ədalətsiz kimi dəyərləndirib:

"Atletiko"da nə uğur qazanmışamsa, bu, futbolçuların əməyi sayəsində olub. Əgər onlar olmasa, məşqçi planlarını həyata keçirə bilməz. Futbol kollektiv oyundur. Buna görə də bütün komandaya təşəkkür etmək lazımdır. 

Təəssüf ki, Qrizman və Qodinin "Qızıl top"a namizəd futbolçular sırasında yer almayıb. Bu, ədalətsizklikdir. Qrizman çox yaxşı mövsüm keçirir və hazırda ən yüksək formasındadır. Ümid edirəm ki, bu, futbolçuları öz işlərinə daha çox motivə edəcək".