“Monako”dan “Qarabağ”a xoş olmayacaq xəbər

Avropa Liqasının qrup mərhələsində bu gün "Qarabağ”la qarşılaşacaq "Monako”nun üç zədəli futbolçusu sağalıb.

Qol.Az-ın Fransa mətbuatına istinadən yaydığı xəbərə görə, zədə aldıqları üçün ötən həftə ölkə çempionatında "Lion”la oyunu buraxan müdafiəçilər Andrea Radji, Rikardo Karvalyo və yarımmüdafiəçi Nabil Dirar ümumi hazırlıq prosesində qatılıb. 

Məlumatda bildirilir ki, onlar "Qarabağ”la oyunun 18 nəfərlik heyətində yer alacaqlar. Dünən bu futbolçuların Ağdam təmsilçisi ilə oyundan əvvəl məşqə çıxdıqları bildirilir.

Portuqaliyalı digər müdafiəçi Fabio Koentrauya gəlincə isə onun zədəsi hələ tam sağalmadığından "Qarabağ”la oyunu buraxacaq.