"Azərbaycana böyük hesabla uduzmaq qəbulolunmazdır"

"Baş verənlərə heç bir izahat yoxdur. Öz imkanlarımızdan istifadə edə bilmədik, axmaq qollar buraxdıq və nəticədə uduzduq".

Qol.Az-ın məlumatına görə, bu sözləri Rusiyanın U-21 millisinin futbolçusu Vyaçeslav Karavayev ölkəsinin mətbuatına açıqlamasında deyib.

Gənc müdafiəçi "Avro-2017"nin seçmə mərhələsində Bakıda millimizə 0:3 hesabı ilə uduzmağın qəbulolunmaz olduğunu bildirib: "Biz yalnız özümüzə küsə bilərik. Hazırda hamımızda ruh düşkünlüyü var. Azərbaycan millisinə belə böyük hesabla uduzmaq qəbulolunmazdır. Ümid edirəm ki, belə hal bir də təkrarlanmayacaq. 

Baş məşqçimizin paltardəyişmə otağında bizə nəsə deməyinə ehtiyac yox idi. Hamı hər şeyi başa düşürdü. Qrupdan çıxmaq şansımızın azaldığını düşünmürəm. Qarşıdakı oyunların hamısında qələbə qazanzaq, qrupdan çıxa bilərik. Bunun üçün bütün görüşlərdə maksimim xal toplamalıyıq və rəqiblərimiz də bir-biri ilə oynamalıdır. Şəxsi görüşlərdə bəxt də üzümüzə gülməlidir".