"Real"da Beniteslə bağlı qərar verildi

"Real" (Madrid) klubunun baş məşqçisi Rafael Benites vəzifəsində qalacaq.

Qol.Az-ın "goal.com"a istinadən verdiyi məlumata görə, bu barədə klubun prezidenti Florentina Perez keçirdiyi mətbuat konfransında deyib.

O, Benitesə güvəndiklərini və ona tam dəstək verdiklərini bildirib: "Benites istedadlı biridir və buradakı işinə yeni başlayıb. O, rahat bir şəkildə çalışaraq hədəflərinə çatacaq. Möhtəşəm bir heyətimiz var və hər şeyin ən yaxşısına layiq azarkeşlərə sahibik. Benites kluba uğur qazanmaq üçün gəlib. Hazırda çətin bir dönəmdəyik. O, indi daha çox dəstəyə ehtiyacı var. Benitesin vəziyyəti düzəldəcəyinə inanıram".

İspaniyalı mütəxəssisin komandanın futbolçusu Kriştiano Ronaldo ilə problem yaşanmasına da münasibət bildirən Perez deyib: "Bəzi insanlar yalanları ilə komandaya zərər verməyə çalışır. Ronaldo heç vaxt bu barədə kimsəyə bir söz deməyib. Beniteslə bağlı mənə də bir şey söyləməyib. Bu tip xəbərlər komanda daxilində qarışıqlıq yaratmaq üçündür. Rəhbərlik də, futbolçular da baş məşqçini dəstəkləyir. Bundan sonra insanların yalan söyləməklə komanda daxilindəki ab-havanı korlamasına icazə verməyəcəm".

www.ann.az