İngiltərənin nüfuzlu qəzeti "Qarabağ" klubu barədə məqalə dərc etdi

Qarabağın doğma şəhəri olan Ağdam Dağlıq Qarabağ münaqişəsi zamanı erməni ordusu tərəfindən dağıdılıb, əhalisi isə şəhəri tərk edib

İngiltərənin nüfuzlu "The Sun" qəzeti "Tottenhem" klubu ilə bu gün Avropa Liqasının qrup mərhələsinin V tur matçında üz-üzə gələcək "Qarabağ" komandası barədə məqalə dərc edib. "Report"un məlumatına görə, məqalə "Tottenhem"in "kabus şəhərindən" olan rəqibi barədə beş fakt" adlanır. 

Yazıda deyilir ki, "Qarabağ"ın doğma şəhəri olan Ağdam Dağlıq Qarabağ münaqişəsi zamanı erməni ordusu tərəfindən dağıdılıb, əhalisi isə şəhəri tərk edib.

Daha sonra deyilir ki, Ağdamdan olan klub futbol üzrə Azərbaycan çepionatının son iki mövsümün qalibi olub və bu mövsüm Çempionlar Liqasında iştirak etsə də, Şotlandiyanın "Seltik" klubu tərəfindən məğlub edilib.

Məqalədə, həmçinin Bakı barədə məlumat verilib. Nəşr bildirir ki, Bakıda bu il ilk Avropa Oyunları keçirilib və burada Harri Kasparov kimi tanınmış şahmatçısı dünyaya gəlib.

Yazıda texniki səhvə də yol verilib. Ermənistan ordusunun Ağdamın böyük hissəsini dağıtmasından sonra "Qarabağ"ın ev oyunlarını Ermənistan milli stadionunda keçirdiyi və tezliklə öz stadionunda oynayacağı vurğulanıb. Halbuki "Qarabağ" Avropa Liqasındakı rəqiblərini Tofiq Bəhramov adına Respublika stadionunda qəbul edir. Komandanın yeni stadionu isə artıq istifadəyə verilib. Tofiq İsmayılov adına Suraxanı qəsəbə stadionunda Azərbaycan Premyer Liqası qarşılaşmaları keçirilir.