Ərtoğrul Sağlam "Bursaspor"dan getdi

"Bursaspor"un baş məşqçisi Ərtoğrul Sağlam vəzifəsindən gedib.

Qol.Az-ın klubun rəsmi saytına istinadən verdiyi məlumata görə, bu, superliqanın 13-cü turunda evdə "Kayserispor"a 1:2 hesablı məğlubiyyətdən sonra baş verib.

Oyundan dərhal sonra Bursa təmsilçisinin rəhbərliyi ilə baş məşqçi arasında görüş baş tutub. Qarşılıqlı razılıq əsasında 46 yaşlı mütəxəssislə yollar ayrılıb.

Qeyd edək ki, "Bursaspor" superliqada geridə qalan 13 turdan sonra 15 xalla turnir cədvəlinin 12-ci pilləsində qərarlaşıb.