"Qarabağ"la oyun karyeramın ən önəmli matçıdır"

Avropa Liqasının qrup mərhələsinin son turunda evdə "Qarabağ"ı qəbul edəcək "Anderlext"in müdafiəçisi Mboci Kara axşamkı oyun haqda danışıb.

Qol.Az-ın Belçika mətbuatına istinadən verdiyi məlumata görə, seneqallı futbolçu "Qarabağ"la matçı karyerasının ən önəmli oyunu adlandırıb:

"Qarabağ"la oyun karyeramın ən önəmli matçı olacaq. Bu görüşdə ilk öncə qapımızın toxunulmazlığını qorumalıyıq. Ancaq müdafiə olunmaqla qələbə qazanmaq çətindir. Qalib gəlmək üçün mütləq qol vurmalıyıq. Lakin 3 qol vurmağımıza ehtiyac yoxdur. Hər şey öz əlimizdədir. Əgər "Qarabağ"ı məğlub etsək, Avropa Liqasında yolumuza davam edəcəyik. Bilirəm ki, məndən qol vurmağımı gözləyirlər. Ancaq mənim ilk işim müdafiədə komandama kömək etməkdir".

Qeyd edək ki, bu gün Brüsseldə keçiriləcək "Anderlext" - "Qarabağ" oyunu Bakı vaxtı ilə saat 00:05-də başlayacaq.