"Avro-2016"nın mükafat fondu artırıldı

Qol.Az-ın xarici KİV-lərə istinadən yaydığı xəbərə görə, bu barədə UEFA-nın baş katibi Canni İnfantino məlumat verib.

O bildirib ki, turnirdə iştirak edəcəklərinə yığmaların hərəsinə 8 milyon avro veriləcək.

 

Ümumilikdə turnirin mükafat fondu 301 milyon avro təşkil edəcək. 2012-ci ildə isə bu rəqəim 198 milyon idi.

"Avro-2016"nın qrup mərhələsində qazanılan hər qələbəyə 1 milyon, heç-heçəyə 500 min avro mükafat veriləcək. 1/8 finala yüksələn iştirakçılar 1 milyon 500 min avro qazanacaq.

1/4 finalçıların hər biri 2,5 milyon avro, yarımfinalçılar əlavə 4 milyon avro irəli düşəcəklər. Turnirin qalibi 8 milyon avro alacaq. Həlledici görüşdə uduzana 5 milyon avro mükafat nəzərdə tutulub.