Luçesku təsdiqlədi: 2 il “Trabzonspor”da...

"Şaxtyor”un baş məşqçisi Mirça Luçesku Türkiyənin "Trabzonspor” klubu ilə danışıqlar apardığını rəsmən təsdiqləyib.

Qol.Az-ın Ukrayna mətbuatına istinadən yaydığı xəbərə görə, rumıniyalı mütəxəssis deyib ki, mövsümün sonunda Donetsk klubundan ayrılmaq fikrindədir.

"Əgər türklərlə razılığa gəlsək, o zaman "Trabzonspor”da 2 il baş məşqçi, daha sonra isə idman direktoru kimi çalışacağam. Bundan sonra oğlum Razvan Luçesku baş məşqçiliyə gətirilə bilər. "Trabzonspor”a şərtlərimi irəli sürmüşəm”.

Qeyd edək ki, Mirça Luçeskunun "Şaxtyor”la müqaviləsi 2015-16 mövsümünün sonu başa çatır.