Zidan "Real"da ilə 2,5 milyon avro qazanacaq

Madrid "Real"ına baş məşqçi təyin olunan Zinəddin Zidanın illik əməkhaqqısı 2,5 milyon avro olacaq.

Bu barədə Trend "Mundo Deportivo"ya istinadən məlumat verir.

Z.Zidanın maaşının komandada ən az məvaciblərdən biri olacağı bildirilir.

Qeyd edək ki, 43 yaşlı fransalı mütəxəssis Rafael Benitesin istefaya göndərilməsindən sonra yanvarın 4-də bu posta gətirilib.

Z.Zidanın İspaniya klubu ilə müqaviləsi 2018-ci ilədək qüvvədə olacaq.